Message # 417666

*കുളിമുറിയിൽ വഴുതി വീണ് മൊബൈൽ മരിച്ചു*

കണ്ണൂർ : കുളിമുറിയിൽ വഴുതി തലയിടിച്ചു വീണ മൊബൈൽ ഫോൺ മരിച്ചു. മയ്യിൽ സ്വദേശി സാംസങ് ഗാലക്സി എസ്-( 5) ആണ് മരിച്ചത്. കഴിഞ്ഞ ശനിയാഴ്ച രാവിലെയാണ് അപകടം.
സുഹൃത്തിന്റെ കല്ല്യാണത്തിന് പങ്കെടുക്കാൻ പോകുന്നതിന് മുമ്പ് ഉടമ ധൃതിയിൽ കുളിമുറിയിൽ കയറിയതാണ് അപകടത്തിന് കാരണം. വാട്ട്സാപ്പ് ചാറ്റിങ്ങ് കഴിഞ്ഞ് ആ ഫീലിങ്ങിൽ ജനൽ ചാരി സാംസങ്ങിനെ വെക്കുന്നതിനിടയിൽ അബദ്ധത്തിൽ വഴുതി തറയിലേക്ക് വീഴുകയായിരുന്നു. വീഴ്ചയുടെ ആഘാതത്തിൽ തൽക്ഷണം ബോധം നഷ്ടപ്പെട്ടു. 24 മണിക്കൂറിലേറെ അബോധാവസ്ഥയിൽ കിടന്ന സാംസങ്ങിനെ തിങ്കളാഴ്ച മയ്യിൽ ഹോസ്പിറ്റലിന്റെ സമീപം ഉള്ള മൊബൈൽസിലും തുടർന്ന് കണ്ണൂർ റെയിൽവേ സ്റ്റേഷനു മുൻവശം ഉള്ള യൂണിവേഴ്സൽ മൊബൈൽസി ലും പ്രവേശിപിച്ചിരുന്നു. തുടർന്ന് സാംസങ് കസ്റ്റമർ കെയറിലും എത്തിച്ചു. 6000 രൂപയോളം ചെലവഴിച്ച് ഡിസ്പ്ലേ മാറ്റിയാൽ ജീവൻ തിരിച്ചു കിട്ടുമെന്നാണ് ചെയ്ഞ്ച് മൊബൈൽസിലെ വിദഗ്ധ ഡോക്ടർ ഹമീദ് പറഞ്ഞത്. സാംസങ് കസ്റ്റമർ കെയറിൽ 8000 രൂപയാണ് ആവശ്യപ്പെട്ടത്.
സങ്കീർണ ശസ്ത്രക്രയക്ക് പണമില്ലാത്തതിനാൽ കോൺടാക്ട്സ് എടുത്തു തരാൻ ഉടമയും ബന്ധുക്കളും ഡോക്ടർമാരോട് പറഞ്ഞെങ്കിലും ലോക്കു ള്ളതിനാൽ സാധ്യമല്ലെന്നായിരുന്നു മറുപടി. ഇതോടെയാണ് സാംസങ്ങിന്റെ മരണം ഉറപ്പായത്.ബന്ധുകളുടെ സമ്മത പ്രകാരം ബാറ്ററി മറ്റൊരാൾക്ക് മാറ്റിവെച്ചു. വളരെ കഷ്ടപ്പെട്ട് നാട്ടിലെ 55 ഓളം പേരുടെ വാട്ട്സ് ആപ്പ് നമ്പറുകൾ സംഘടിപ്പിച്ച് ഗ്രൂപുണ്ടാക്കി ഒരു മാസം തികയുമ്പോഴേക്കുമുണ്ടായ ദുരന്തം ഞങ്ങളെ ഏറെ വേദനിപ്പിച്ചെന്ന് നാട്ടുകാർ കണ്ണീരോടെ പറഞ്ഞു.
മാതാവ്: പരേതയായ നോകിയ ഇ71.
ഏക സഹോദരൻ: ഗാലക്സി s2

BACK TO TOP